Gipaubos na sa state of calamity ang pinakadakung syudad sa Metro Manila.
Namahayag si Quezon City Mayor Joy Belmonte nga pagkaon, tubig-mainom ug sapot ang nag-unang panginahanglan sa ilang syudad.
Anaa sa 80% sa ilang dakbayan ang humod pa gihapon sa baha. Miangkon si Belmonte nga katunga na sa ilang 2024 Calamity funds ang napagawas gumikan kay nagamit na kini sa panahon nga gilampurnas ang ilang syudad sa bagyong Carina.
Samtang dili pa madawat ni Talisay Municipal Mayor Nestor Natanuan sa Batangas Province ang kalit nga kamatayon sa ilang mga residente tungod sa lapad nga landslide.
Kagahapon, 18 ka indibidwal ang patay sa pagdahili sa yuta sa usa sa ilang barangay. Laing 17 ang missing.
Base sa data sa Municipal Disaster Risk Reduction and Management Council, misumada na sa 47 ang patay sa ilang lugar. Kasagaran niini mga biktima sa pagdahili sa yuta, nakuryentihan ug nalumos sa lapok.
Gipaubos na sa state of calamity ang munisipalidad.(Bombo Anne Quileste).
