Gi-kumpirmar ni Manny Pacquiao nga mosaka siya pagbalik sa ring alang sa usa ka exhibition fight batok sa kanhing junior welterweight world champion nga si Ruslan Provodnikov.
Ang 47-anyos nga boksingero ulahing nakig-away niadtong Hulyo sa miaging tuig, diin nahuman sa majority draw ang iyang duwa batok sa WBC welterweight champion nga si Mario Barrios.
Sa pagkakaron, ang eight-division world champion adunay rekord nga 62 ka kadaogan, 8 ka kapildihan, ug 3 ka draw.
ang 42-anyos nga si Provodnikov adunay 25 ka kadaogan, 5 ka kapildihan, ug 18 ka knockouts.
Gikatakdang ipahigayon ang ilang exhibition fight karong Abril 18 sa Las Vegas. (Phillip Ariata)
