CAGAYAN DE ORO CITY – Walay duda nga si People’s champion Manny Pacquiao ang ilhong mananaug sa title fight nila ni US boxer Keith Thurman sa MGM Gran,Las Vegas,Nevada,USA sa Hulyo 22 ning tuiga.
Kini subay sa pipila ka boxing analysts nga nakatutok sa title fight ug training nila ni Pacman ingon man ni Thurman.
Namahayag ang boxing analyst Ed Tolentino nga si Pacman ang mag-dektar sa away nila ni Thurman diin sayon ang kadaugan niini.
Sulti usab sa conditioning coach ni Pacman nga si Justin Fortune nga wala siya sukad nakabantay nga mihinay ang kusog ug kaabtik niini hinungdan lisod kining matubag ni Thurman.
Gani usab nga sa wala pa mibiyahe si Pacman padulong Las Vegas gikan sa Los Angeles,California,namahayag kini nga andam na siya pakig-awayan kon himoon nila ni Thurman ang away ning adlawa.
Hinoon,naglikay mo-komento si Pacman kon unsay mahitabo nila ni Thurman pag-abot sulod sa boxing ring sa Hulyo 21 ning tuiga.
