CAGAYAN DE ORO CITY – Gimando ni Police Regional Office 10 Director Brig Gen Benjamin Acorda Jr ang subsob nga imbestigasyon aron manubag ang mga responsable sa maong pagpamusil sa tribung Manobo sa Quezon,Bukidnon.
Gibutyag ni PRO 10 spokesperson Lt Col Michelle Olaivar nga gitahasan ni Acorda si Bukidnon PNP Director June Mark Legare nga mangunay pag-imbestigar kabahin sa gidangatan sa grupo ni presidential candidate Leodegario ‘Ka Leody’ de Guzman nga naipit sa maong pagpamusil.
Giklao usab ni Olaivar nga bugtong usa pa lamang ka sakop sa Manobo ang ilang makompirmar nga samaron sukwahi sa numero nga gihatag sa grupo ni Ka Leody.
Apan sa labing ulahi nga impormasyon sa Bukidnon PNP,anaa na sa upat ka miembro sa Manobo ang samaron sa maong hitabo.
