CAGAYAN DE ORO CITY – Mulusad sa kaugalingong imbestigasyon sa Manolo Fortich Municipal Police Station kung nganong naka-abot sa Valencia
City ang ilang miyembro sa tracker team nga si Patrolman Michael John Ondap.
Mi-angkon si Police Lieutenant Colonel Duphar Chris Cuaresma nga siya mismo ang mikuha kang Ondap aron himoong driver sa ilang police patrol tungod kay kulang sila sa mga tayo sa istasyon, sukad nga gipatuman ang lahugay sa PRO-10.
Iya sab gimuntar ang nadakpang pulis sa tracker team sa mga wanted person ubos sa ilang area of responsibility.
Gisaad ni Cuaresma nga hatagan sa due process ang nadakpan nilang sakop nga gi-akusahang “police scalawag”.
