CAGAYAN DE ORO CITY-Naghatag paglaum ug kusog sa mga Maranao-Muslim ang pagkabawi sa grand mosque sa militar batok sa mga terorista sa nagpadayong engkuwentro sa Marawi City.
Gibutyag ni Lanao del Sur Provincial Crisis Committee spokesperson Zia Alonto Adiong nga mas milig-on ang ilang pagtoo nga du-ol na nga mahuman ang tulo ka bulan nga engkuwentro sa ilang lugar tungod sa maong kalampusan.
Malaumon siya nga makontrol sa militar ang tibuok syudad sulod ning bulana.
Una niini,giila nga labing dako nga balay-alampuanan sa Maranao-Muslims ang grand mosque nga gipondohan sa Maute-ISIS group.
Samtang target sa militar nga ma-clear ang 300 ka gambalay sa nagpadayong engkuwentro sa Marawi City.
Matud ni AFP spokesperson Brigadier General Restituto Padilla nga paningkamutan nila nga mahawan ang mga gambalay aron makabalik na ang mga residente sa maong lugar.
Una nang nabawi na sa militar ang grand mosque gikan sa Maute group hinungdan nga kinahanglan pa nila nga mohimo’g clearing operations.
Hisayran nga sa pinakaulahing dato, anaa na sa 129 ka sundalo ang namatay sa nagpadayon nga engkuwentro.
