CAGAYAN DE ORO CITY – Gilubong na subay sa tradisyong Islam ang Maranao nga gipusil-patay sa wala mailang mga suspek sa Brgy. Barra, Opol, Misamis Oriental.
Base sa inisyal nga report, gitoohan nga gi-atangan sa wala mailang suspek ang biktima nga si Mohammad Amir Haron nga nagpuyo sa maong lugar.
Miingon si Senior Master St Benhur Penialoga sa Opol Police Station nga kanhi drug pusher ang biktima apan benepesaryo kini sa plea bargaining agreement sa Korte Suprema.
Dili pa matumbok sa mga otoridad kung unsa ang atraso sa biktima batok sa suspek.
