CAGAYAN DE ORO CITY-Mibati’g pagmahay ang Maranao- Muslim leaders kon unsa ang katibuk-ang plano sa
gobierno kabahin sa subli pagpabangon balik sa Marawi City.
Kini bisan nga gipasalig ni Pres Rodrigo Duterte nga dili pasagdan apan tabangan nga mabalik sa normal ang sitwasyon sa maong syudad.
Miingon si Lanao del Sur Vice Gov Bombit Alonto Adiong Jr nga angayan pakit-on sila sa rehabilitation plan ug dili ihikaw kanila aron direkta sila nga may kasayuran niini.
Gipasabot ni Adiong nga may kultura ug tradisyon usab nga gisunod ang Maranao-Muslims hinungdan dili angay matago kanila ang plano sa gobierno.
Nagusbat ang commercial center sa Marawi City tungod sa pakig-giyera sa militar batok grupong Maute-ISIS halos mag-napulo ka bulan na ang milabay.
