(Update) CAGAYAN DE ORO CITY- Gihatod na sa katapusang pahulayan subay sa kulturang Muslim ang usa ka Maranao nga nakalas gumikan sa pagkahaybol sa pasayruhang jeep diha sa national highway sa Laguindingan,Misamis Oriental.
Kini human giila ang namatay’ng biktima nga si Kumukung Macarambon,20 anyos nga lumad-taga Marawi City.
Subay sa report,kargado sa produktong agrikultura ang jeep gikan sa Marawi City ug padulong sa Cagayan de Oro City sa dihang nawad-an sa preno hinungdan sa aksidente.
Samaron usab apan anaa sa mga luwas nga kahimtang ang laing mga biktima nga sila si Shalani Macarambon,Ino Macarambon,Nam-Nam Macarambon ug Masser Macarambon samtang anaa diha sa Northern Mindanao Medical Center.
Giimbestigaran pa sa mga kapolisan ang duguong aksidente sa maong lugar.
