CAGAYAN DE ORO CITY-Gipasakaan na sa kasong pagbaligya’g gidiling droga sa piskalya ang magtutungha nga nasapong namaligya sa ginadiling druga dinhi sa syudad.
Kini human nasikop ang suspek nga si Aliner Sarip Dipatuan sa drug buybust operation nga gilusad sa PDEA-10 ug kapolisan ning syudad sa miaging adlaw.
Gibutayag sa mga otoridad nga lumad nga taga Brgy Pagamayam,Lanao del Sur ang suspek.
Nakuha sa iyang posisyon ang balor 600-mil pesos nga 100 gramo nga gitoohang shabu ug drug buybust money nga P1000 marked bill.
Una niini, gitumbok sa PDEA nga nakalista ang dinakpan isip “newly identified big time drug dealer” ug high valued target sa rehiyon sa Mindanao.
