CAGAYAN DE ORO CITY-Gitin-aw ni Moro Consciences Group leader Drieza Lininding nga wala sila’y pagsupak sa himoong rehabilitasyon sa Marawi City.
Siya miingon nga nagsugod ang ilang pagduda nga ‘modernong pagpangilog sa yuta’ ang himoong rehabilitasyon sa gobyerno sa ilang lugar.
Kini tungod kay panguluhan sa Chinese business firms ang pag-reconstruct sa mga nadaut nga gambalay sa ilang lugar.
Dugang ni Lininding nga wala sila pahibal-a sa gobyerno kalabot na sa maong lakang.
Samtang gibutyag ni Lininding nga walay problema alang kanila kon tukuran sa mga bag-ong negosyo ang Marawi City.
Apan nanawagan siya sa gobyerno nga dili sa ground zero tukuron ang mga bag-ong establishment tungod kay adunay mga residente nga gusto mobalik pagpuyo sa maong lugar.
Una nang gitawag nga fake news ni Marawi City Mayor Majul Usman Gandamra ang pasangil sa grupong “Moro Consciences” nga ‘modernong pagpangilog sa yuta’ ang himoong rehabilitasyon sa gobyerno sa Marawi City.
