CAGAYAN DE ORO CITY-Kasuhan sa kapolisan sa piskalya ang aktibong sundalo nga nasikop tungod sa pagsulay pag-ilog sa police patrol sa lungsod sa Gitagum,Misamis Oriental.
Kini human tuyo ipaandar sa sa suspek nga si Keith John Aclo Gayda,28 anyos,ulitawo nga taga- Eastern Samar ang Mahindra patrol sa Gitagum Police Station aron sakyan unta pagsibat niini.
Miingon si Misamis Oriental PNP spokesperson Sr/Insp Arlyn Ranario nga paspas napugngan sa duha ka on duty police ang suspek hinungdan nasikop.
Nasuta nga nadestino sa 63rd IB,Philippine Army sa Marawi City ang suspek diin nakuhaa’g suspected sachets sa shabu ug mga bala sa kalibre 45.
