Siyam ka tuig human sa dugoong Marawi Siege niadtong 2017, gipasigarbo ni Ayesha Merdeka Alonto sa Southern Cultural Communities and Traditional Arts sa National Commission for Culture and the Arts nga andam na ang Islamic City of Marawi sa pag-abli alang sa cultural tourism.
Matud niya, nagpakita kini sa kalig-on sa rehabilitasyon nga nahimo sa dakbayan diin posible na karon nga madawat pag-usab ang mga bisita ug turista.
Samtang padayun ang pagpalambo sa turismo, gilaraw usab ang mga lakang aron mapanalipdan ug mapreserbar ang kultura ug panulondon sa mga Maranao.
Duyog niini, nagtinabangay ang NCCA ug ubang mga sektor aron masiguro nga mapadayon ang pag-amuma sa lokal nga identidad samtang giablihan ang dakbayan sa mas daghang mga bisita.
