CAGAYAN DE ORO CITY-Nalukong sulod sa city hall si City Mayor Majur Gandamra atol sa sinukliay sa mga bala sa
militar ug teroristang Maute sa Marawi City,Lanao del Sur.
Kini human gimanduan si Gandamra sa militar nga dili magkumpiyansa aron dili ma-hostage sa mga terorista.
Matud ni Gandamra nga daghan sa mga govt building ang kontrolado pa gihapon sa gobierno sukwahi sa mga report nga nailog sa Maute terror group.
Nasayran nga gisunog sa mga terorista ang usa ka tunghaan,city jail ug gilusob ang Amai Pakpak Medical Center.
Samtang gikompirmar karon sa pipila ka opisyal sa Amai Pakpak Medical Center nga may sakop sa teroristang Maute nga namatay samtang laing usa ang samaron sa dihang sila nagpatambal gumikan sa engkuwentro batok militar sa Marawi City,Lanao del Sur.
Matud ni Dr Hussein Lucman nga igo ra nagpatambal ang pipila sa mga terorista ug wala na sila masayod sa sunod nga nahitabo kay gidid-an na sila sa militar nga mogawas sa ospital.
