CAGAYAN DE ORO CITY-Napugos si Mayor Mahul Gandamra paglugwa atubangan sa publiko aron ipamatood nga kini dakong buhi ug wala mabihag sa teroristang Maute nga mi-atake sa Marawi City sa miaging adlaw.
Gibutyag sa Bombo Radyo ni Gandamra nga kontrolado pa gihapon sa gobierno ang ilang dakbayan tungod sa pagsanta sa militar ug kapolisan nga mailog ang city hall aron unta i-okupar sa mga terorista.
Gibatikos usab ni Gandamra ang gihimo sa mga terorista nga gipanguluhan sa magsoong Maute.
Hisayrang nakapangayo’g panabang sa militar ug kapolisan si Gandamra tungod sa pag-atake sa mga terorista.
