CAGAYAN DE ORO CITY-Gimando ni City Police Diretor Sr/Supt Robert Roy Bahian ang bio-profiling sa tanang musulod nga refugees gikan sa Marawi City.
Kini aron mapaniguro nga sila mamonitor sa kapulisan.
Gibutyag ni COCPO spokesperson C/Insp Mardy Hortillosa nga epekto kini sa doble seguridad nga gipatuman ubos sa martial law.
Nakigkoordinar na ang kapolisan sa DSWD ug Woman’s and Children protection Desk alang sa maong katuyuan.
Hinoon, gitin-aw ni Hortillosa nga dili pagpihig sa tawhanong katungod ang pagpalista tungod kay igo ra usab kini nasubay sa mas hugot nga gipatumang security measure panahon sa dagkong kagubot sama sa terorismo.
