CAGAYAN DE ORO CITY-Sugdan sa siyam ka pribadong kompanya ang pag-rehab sa naguba nga bahin sa Marawi City sa Hunyo ning tuiga.
Kini human naporma na ang Bangon Marawi Consortium aron motutok sa pagpabarog sa maong syudad gikan sa giyera niadtong Mayo 23, 2017.
Miingon Housing and Urban Development Coordinating Council Assistant Secretary Felix Castro nga partikular nga tutukan sa rehabilitasyon ang 24 ka most affected area o MAA.
Nasayran nga gisugdan ang mga kalihukan alayon sa ika-usa ka tuig nga anibersaryo sa pag-atake sa grupong Maute-ISIS sa Marawi City diin daghang kinabuhi ang nakalas niadtong Mayo tuig 2017.
