CAGAYAN DE ORO CITY – Gipaubos na sa lockdown ang Marawi City ug Lanao del Sur sugod karong adlawa isip kabahin sa precautionary measures aron mapakigbatukan ang bahad sa coronavirus disease 19).
Si Marawi City Mayor Atty Majul Gandamra miingon nga ilang nahukman nga ipaubos sa lockdown ang tibook probinsya gumikan sa kamatayon sa pasyente nga nagpositibo sa COVID-19 nga na-confine sa Amai Pakpak Medical Center sa Marawi.
Nagpaggawas sa kamanduan si Gandamra nga ang mga health personnel lamang ang pasudlon sa maong mga lugar ug gipahugtan niini ang pagpatuman sa checkpoint.
Gibutyag usab niini nga kinahanglang magdala sa referrals gikan sa medical doctors ang mga ambulansiya nga mag-transport sa pasyente ug moagi sa ilang lugar.
Gidid-an na ang mga sakyanan nga mokarga sa kapin duha ka pasahero isip kabahin sa social distancing.
Gikinahanglan usab nga magdala’g pruweba nga dili residente sa Lanao del Sur ang moagi o mosulod sa ilang lugar.
