CAGAYAN DE ORO CITY-Nag-inusarang gidagan sa 42-anyos nga bakwit ang 32 kilometros gikan Marawi City padulong Iligan City bitbit ang bandila sa nasud.
Kini ang paagi sa bakwit nga si Jamalol Alauya nga ipaabot sa mga sundalo ang iyang pagpasalamat human mabawi ang ilang syudad sa kamot sa mga terorista.
Dugang pa ni Alauya nga pinaagi sa iyang pagdagan,nadumduman niya ang kaagi sa mga residente sa lugar nga nagdinagana lima ka bulan ang nakalabay palayo sa ilang lugar tungod sa mga Maute.
Hisayran nga human ang pagdagan ni Alauya, iyang gipakayab ang bandila ug nagpa-picture sa mga sundalo.
