CAGAYAN DE ORO CITY-Nangayo’g pagsabot si Autonomous Region iin Muslim Mindanao 1st District Assemblyman Zia Alonto Adiong sa internally displaced persons o IDPs kon nganong langan nasugdan ang rehabilitasyon sa Marawi City.
Miingon si Adiong nga nakita niya kon giunsa sa gobierno ang pagpaningkamot nga masugdan ang pagpatindog sa syudad apan naigo usab kini sa dili kapugngan nga kasiklian.
Giawhag usab niini ang gobierno nga kanunay abli ang komunikasyon aron mapasabot sa IDPs ang mga panghitabo sa rehab program nga hayan masugdan Agosto na ning tuiga.
Una nang napalpak ang pagsugod sa rehab sa Hunyo ug naatras kini padulong sa Agosto ning tuiga.
