CAGAYAN DE ORO CITY-Dismayado ang internally displaced persons o IDPs nga wala kaayo mahatagi’g bug-at nga pagtutok ni Pres Rodrigo Duterte ang rehabilitasyon sa Marawi City.
Kini human gidahom unta ni Autonomous Region in Muslim Mindanao 1st District Assemblyman Zia Alonto Adiong nga matutukan ni Pres Duterte ang nalangan nga pag-ayo sa mga naguba nga bahin sa Marawi City.
Miingon si Adiong nga gihulat niya nga isulti ni Duterte kon unsa nga paagi nga mapadali ang pagbalik sa IDPs sa tagsa-tagsa nila ka mga balay.
Kapin tuig na ang tinguha nga pag-ayo sa Marawi City apan wala pa gihapon mahuman ang clearing operations sa militar sa mga bomba sulod sa most affected area.
