Gibisita sa mga opisyales sa Marawi City ang 21st City Council, kagahapong adlawa. Gisaksihan sa konseho sa Marawi, Ministry of the Interior and Local Government ang proseso sa regular session ug nakakat-0n sa parliamentary rules and procedures aron ilang gamiton sa ilang senemana nga sesyon.
Miingon si Marawi Vice Mayor Majul Gandamra nga daku ang ilang pagpasalamat sa CDO-LGU sa gipakitang “hospitality” ilabe sa pagdawat kanila, gikan sa ilang pag-abot hangtud sa pagtambong nila sa sesyon.
Ning adlawa, Oktobre 1, panguluhan ni Majority Floor Leader ug City Blue Ribbon Committee Chair Edgar Cabanlas ang “bench-marking activity” ug special session sa Blue Ribbon Committee alang sa ilang Sangguniang Panglungsod, kuyog ang DILG ug MILG.
Gibutyag ni Gandamra nga kini na ang ilang ikaduhang higayon sa pagpahigayon sa bench marking activity ug training sessions alang sa ilang bag-o ug batan-ong mga miyembro sa konseho, kundiin, gihimo nilang model ang CDO-LGU sa ilang ilusad nga parliamentary sessions.
