CAGAYAN DE ORO CITY -Mag-atubang sa kasong pagsupak sa anti-carnapping ug anti-fencing law si Police Capt si Santos Libres Monares kinsa deputy commander sa Marawi City Police Office.
Kini human nasikop si Monares samtang nagmaneho sa sakyanan nga gitratar nga hot car.
Namahayag si Marawi City Police Office Director Police Col Tomas Pantaleon nga pakyas napakita ni Monares ang rehistro sa kolor puti nga Ford Everest sa PNP-Highway Patrol Group hinungdan gisikop sa Iligan City.
Gibutyag ni Pantaleon nga subay sa gisulti usab ni Monares kaniya nga napalit niini ang sakyanan gikan sa usa ka police officer gikan sa Police Regional Office-10.
Subay sa record sa LTO,nasuta nga naka-rehistro ang maong sakyanan gikan sa Sta Ana,Metro Manila.
