CAGAYAN DE ORO CITY – Wala kalimti apan padayong gihataga’g prioridad ni Pres Bongbong Marcos ang paspas nga pagbangon sa katawhang bakwit sa Marawi City nga kanhi gi-atake sa teroristang Maute-ISIS tuig 2017.
Kini human apil gisampit sa presidente ang giduso sa Mindanao Affairs Committee nila ni Cong Bambi Emano dihang gibisita ang aktuwal nga kahimtang sa Marawi sa miaging bulan.
Namahayag si Marcos atol sa iyang SONA nga ubos sa direktang superbisyon sa Marawi Compensation Board,lauman usab nga matibawas na ang mga wala mahuman nga mga proyekto nga nasugdan ni kanhi Pres Rodrigo Duterte.
Hisayrang gitahasan ni Marcos si House Speaker Martin Romualdez nga sutaon ang tinud-anay nga kahimtang sa Marawi epekto sa pag-rally sa daghang mga bakwit nga daw napihig sa nadawat nila nga tabang gikan sa nasudnong gobierno.
