CAGAYAN DE ORO CITY-Gipaniguro sa gobierno nga makatindog pagbalik ang naguba nga Marawi City sa tuig 2021.
Kini bisan nga nalangan ang rehabilitasyon ug reconstruction sa mga naguba nga bahin sa syudad tungod sa lima ka bulan nga giyera tuig 2017.
Gihimo ni Task Force Bangon Marawi Asst Sec Felix Castro ang garantiya bisan gi-disqualify nila ang Bangon Marawi Consortium nga tahasan unta sa pagtrabaho sa proyekto.
Miingon si Castro nga taliwala sa kalangan,nakasulod pa gihapon sa target ang pagtrabaho niini.
Nasayran nga maoy gipahulip sa Bangon Marawi Consortium Power Construction Corporation of China nga nagsilbing standby secondary developer sa proyekto.
