CAGAYAN DE ORO CITY – Nakahatag sa dakong inspirasyon kang PMA Cadet 4th Class Darwin Dormitorio aron mosulod pagka-sundallo ang gubat nga natigayon tali state forces batok Maute-ISIS group sa Marawi City niadtong tuig 2017.
Kini human mibati’g dakong kabalaka kaniadto si Dormitorio sa kahimtang sa mga sundalo nga nakig-away batok sa mga terorista.
Namahayag ang iyaan nga si Michelle Dioso Usman nga mihalad pa’g mga pag-ampo kaniadto si Darwin dihang nabalitaan niini ang daghang patay sa mga sundalo sa maong kagubot.
Dugang si Usman nga bisan sa kalinghod sa huna-huna ni Darwin apan anaa kaniya ang dakong pagmahal sa nasud hinungdan nahukman niini ang pagsulod sa PMA sugod niadtong Hunyo ning tuiga.
