CAGAYAN DE ORO CITY-Sugdan na sa gobierno ang full reconstruction sa naguba nga bahin sa 24 ka brgy nga gikonsiderar nga most affected areas o MAA sa Marawi City sulod ning semanaha.
Kini human unang nadaot ang mga gambalay ug kabtangan epekto sa lima ka bulan nga giyera tali militar ug teroristang Maute-ISIS ang maong lugar.
Miingon si ARMM 1st District Assemblyman Zia Alonto Adiong nga usa ka ground breaking ang himoon sa Task Force Bangon Marawi aron hingpit sugdan ang pagtul-id sa naguba nila nga syudad.
Nasabtan usab ni Adiong kon nganong nalangan ang pag-ayo sa Marawi City kay gisiguro lamang sa gobierno nga dili mabutang sa alanganin ang pagtrabaho niini.
