CAGAYAN DE ORO CITY- Miggamit na’g ground penetrating radar ang private kontraktor sa pagpanguha’g high powerful bombs sa ground zero sa Marawi City.
Tumong niini nga ma-clear na ang lugar sa mga explosive device pag-abot sa bulan sa Agosto ning tuiga.
Miingon si Task Force Bangon Marawi chairman Sec Eduardo del Rosario nga makaya sa radar nga makuha ang mga bomba nga nalubong 90 meters ilawom sa yuta.
Gani, gibutyag niini nga anaa na sa kapin 5-mil ka mga explosive device ang nakuha sa contractor kauban ang AFP-EOD pinaagi sa ilang mga K-9 dogs.
Samtang giiangkon ni Del Rosario nga dakong hagit kanila karon mao ang permiso gikan sa liboan ka mga residente nga e-demolish ang ilang mga panimalay sa Marawi City.
Sumala ni Del Rosario nga target nila nga matapos ang demolition sa mga istruktura sa Nobyembre 2019, apan naglisod sila tungod kay sulod sa kapin 4-mil ka mga panimalay nga ilang gubaon, anaa lang sa 800 ang naghatag sa ilang patnugot.
Una nang gibutyag ni Rosario nga gikinahanglan nila nga mangayo’g permiso sa mga tag-iya sa istruktura ayha kini gubaon sa private contractor.
Samtang anaa na sa 90 porsyento nga na clear sa mga bomba ang Marawi City partikular sa Most Affected Areas o MAA tungod sa gyera tali goverment forces ug Maute-ISIS inspired group niadtong tuig 2017.
Miingon si Del Rosario nga anaa na sa dul-ag 5-mil ka bomba ang ilang na retrieve apan bisan niini may gamay pa gihapon nga nabilin nga kinahanglan kuhaon.
