PARIS, FRANCE – Naluyahan ang boxing fans sa kaparutan nga naangkon ni 2020 Tokyo Olympics bronze medalist Eumir Marcial sa Paris Olympics didto sa Pransya.
Kini human gipukan si Marcial pinaagi sa puntos lamang sa 20 anyos nga si Uzbekistan’s Turabek Khabibullaev ubos sa 80 kilos nga timbang kaganihang kadlawon oras sa Pilipinas.
Unang nakahatag sa kusog nga bundak sa kinomo si Marcia sa dagway ni Turabek sa 1st round apan wala na niya kini masundi rason nga siya ang napilld sa maong away.
Giangkon ni Marcial nga gibuhat niya ang tanan aron mag-improve unta sa iyang bronze medal record apan daw mas ‘tricky opponent’ ug lihok si Turabek rason nga naglisod kini’g adjust hangtod nahuman ang ilang away.
Tungod niini,daghan ang gisayangan sa potential ni Eumir kay nakuhaan ang tsansa sa Pilipinas sa pagsakmit sa medalyang bulawan.
Samtang pikas bahin,abante na alang sa next round si 2020 Tokyo Olympics silver medalist Neshty Petecio.
Gipildi ni Neshty via unanimous decision ang iyang mas batan-on gihapon nga kontra nga si Jaismine gikan sa India ubos sa 57 kilogram category.
Nagamit ni Petecio ang iyang pagsilbing season boxer kay napukan niini ang mas batan-on niya’g edad nga kontra.
Sunod ikasangka ni Petecio si Amina Zidani sa Agosto 2 ning tuiga.
Nagsunod si Petecio sa laing Pinoy boxer nga si Aira Villegas nga abante na usab sa laing round human pildiha ang boksingero gikan sa Morocco sa miaging adlaw.
