Gihagit ni Senador Rodante Marcoleta ang klarong tubag ni kanhi House Speaker Martin Romualdez kalabot sa giingong anomalya sa mga flood control projects, ug iyang giingon nga mas daghan hinuon ang pangutana kaysa nakahatag sa kasayuran sa publiko.
Sa iyang privilege speech karong hapon, gipamugos ni Marcoleta nga angay gyud susihon ang video statement ni Romualdez, ilabi na kay pito ka bulan kuno kini nga mihilom human madala sa alegasyon.
Gibutyag pa ni Marcoleta nga dili igo ang rason ni Romualdez nga nagpasabot nga iyang girespeto lang ang proseso sa balaod mao nga siya mihilom.
Gitataw sa senador nga ang proseso sa pagpangitag hustiya, dili selective kay kauban sa pagpangita sa kakatuoran ang kooperasyon ug transparensiya..
