Gihagit ni Senador Rodante Marcoleta nga manubag si kanhing House Speaker Martin Romualdez kalabot sa giingong anomalya sa flood control projects.
Sa iyang privilege speech kagahapon, Mayo 4, sumala ni Marcoleta nga imbes makahatag sa kalinaw sa publiko, mas daghan pa daw ang pangutana nga mitumaw human sa video statement ni Romualdez.
Gibug-aton ni Marcoleta nga 7-ka bulan nga naghilom si Romualdez human malambigit sa alegasyon, ug dili igo ang rason nga gi-respetar lang niya ang proseso sa balaod.
Dugang pa ni Marcoleta nga ang respeto sa proseso walay gipili.
Kinahanglan kini nga adunay tibuok kooperasyon ug prangka, ilabi na kung kwarta sa katawhan ang hisgutan. (phillip ariata)
