Gilayong e-veto ni Pres Bongbong Marcos ang proposed Prevention of Adolescent Pregnancy Act nga gihan-ay ni Senador Risa Hontiveros. Kini kon tinud-anay nga apil sa mga probisyon sa balaodnon ang pagtudlo ug pagtugot sa kuwatro anyos nga bata nga mohimo’g ”masturbation.”
Miingon si Marcos nga nabasa na niya ang balaodnon ug nakurat siya sa mensahe niini nga mo-resulta sa iyang gikabalak-an.
Kini ang rason nga kon walay pag-usab o amendar sa Senate Bill 1979, gilayon niya kining ipaubos sa veto.
Una niini,inisyal nga miuyon si Marcos sa maong balaodnon apan sa pagkahuman niya’g basa sa comprehensive sex education o CSE, kalit nausab ang iyang baruganna.
Samtang namugos si Hontiveros nga posibleng gilahi pagsabot ni Marcos ang konteksto sa maong balaodnon.
Kini tungod kay wala sukad nasulat o nahisgutang ang pulong masturbation.
Hinoon,gilayong gipasalig sa senadora nga mohimo kini’g pag-amendar sa gusto niya mahimong balaod nga balaodnon.
Hisayrang daan nang misupak ang pipila ka mga senador sa balaodnon ni Hontiveros kay nagdala sa dakong kabalaka kon unsay mahitabo sa ilang mga anak sa oras nga kini makalusot.
