CAGAYAN DE ORO CITY – Gihagit mismo sa pipila ka political supporters si Pres Bongbong Marcos nga butanga’g katumanan ang gipanulti niini atol sa iyang State of the Nation Address o SONA.
Kini ang gibutyag sa iyang supporter nga si Atty Rhobert Maestre kabahin sa unod sa national report ni Marcos sa katawhan.
Miingon si Maestre nga prangka ug dunay pag-angkon sa kakulangon si Marcos sa iyang administrasyon apan angay hataga’g katumanan ang subli pagsaad na usab niini sa katawhan.
Depensa usab niini nga daghan unta nga mga isyu pa ang angay tukion ni Marcos apan tungod sa kakulang sa oras,gipili lang niini ang mas gikinahanglan pag-ayo nga hataga’g dinaliang mga sulbad.
