Gipaniguro ni Presidente Ferdinand Marcos Jr nga magpabiling lig-on ang suplay sa lana sa nasud nga molungtad pa sa 64 ka adlaw. Kini taliwala sa gipatuman nga rollback sa presyo sa lana sugod kagahapon sa buntag.
Namahayag si Marcos nga ang pag-us-os sa presyo sa gasolina, diesel, ug kerosene resulta sa nagpadayong paglihok sa presyo sa produktong petrolyo sa merkado sa kalibutan.
Tungod niini, hugot nga giawhag sa Department of Energy ug ni Presidente Marcos ang publiko nga dili mabalaka samtang padayon ang ilang estriktong pag-monitor sa matag stock nga mosulod sa nasud aron malikayan ang bisan unsang pagminaro.
