CAGAYAN DE ORO CITY – Imposible ang giingon ni Pres Bongbong Marcos nga mag-atubang sa govt shutdown kon madeklara nga dakong kasupakan sa konstitusyon ang 2025 general appropriations act.
Kini ang katin-awan ni kanhi City Mayor Atty Oscar Moreno nunot sa daw pagpanghadlok ug naghinobrang drama nga reaksyon ni Marcos sa pagkuwestiyon sa GAA didto sa korte suprema.
Miingon si Moreno nga kon supak sa balaod ang pondo ning tuiga,otomatiko nga subli gamiton ang 2024 national budget.
Apan duda ang kanhi mayor nga molampos ang pagpadeklara nga supak kini sa balaod kay nagkihanglan sa 3/4 sa mga mahistrado sa korte suprema ang kinahanglang mopabor niini.
