Gusto si Pres Bongbong Marcos nga magka-uliay sila sa maayong buot sa pamilyang Duterte.
Kini taliwala nga naghinobra ang pag-aslom sa relasyon sa mga pamilyang Marcos ug mga Duterte gumikan sa nahunlak nila nga alyado sa politika.
Miingon si Marcos nga gusto niya nga maghiusa sila’g balik sa mga Duterte ilabina ni Vice Pres Sara Duterte aron mahunong na ang panagbikil ug kaguliyang.
Gihimo ni Marcos ang interes mismo sa one-on-on podcast interview ni veteran media practitioner Anthony Taberna nga grabe na usab ka kritiko sa administrasyon.
Sa pagkutlo ning balita, wala pa’y komento ang kampo ni VP Sara sa gipamulong ni Marcos.
Hisayrang misamot ang pagsiak sa duruha kay gitugyan sa presidente pinaagi sa iyang pipila ka cabinet officials sa International Criminal Court kang kanhi Pres Rodrigo Duterte kay giakusahan sa mga kritiko niini sa kasong crimes against humanity didto sa The Hague,Netherlands.
