Gikompirmar ni DILG Secretary Jonvic Remulla nga aduna nay napili nga sunod nga PNP Chief si Presidente Ferdinand “Bongbong” Marcos Jr.
Wala una gibutyag ni Remulla ang ngalan sa bag-ong hepe sa Philippine National Police (PNP) kay dili niya gustong unhan ang deklarasyon ni Presidente Marcos.
Hisayran nga taman ra sa Hunyo 7 ang pagserbisyo ni outgoing PNP chief Police General Rommel Marbil gumikan kay mikuha kining mandatory retirement.
Una nang namahayag ang PNP Public Information Office nga ang posibleng mopuli kang Marbil mao sila:
- Lieutenant General Jose Melencio C. Nartatez Jr., deputy chief for administration sa PNP
- Police Major General Anthony Aberin, chief sa National Capital Region Police Office
- Lieutenant General Robert Rodriguez, deputy chief for operations sa PNP
- Police Major General Nicolas Torre III, chief sa Criminal Investigation and Detection Group
- Lieutenant General Edgar Alan Okubo, chief sa directorial staff sa PNP
