Gideklarar na ni Presidente Ferdinand Marcos, Jr. ubos sa National State of Calamity ang tibook Pilipinas, gumikan sa lapad nga epekto sa Bagyong Tino, ug sa umalabot nga Bagyong Uwan, nga posibleng mahimong SuperTyphoon Category sa pagsulod sa Philippine Area of Responsibility.
Kini pa ang unang higayon nga nagpakita sa publiko ang presidente sukad nga nakabalik kini gikan sa APEC summit, niadtong Nobyembre 1.
Pinaagi sa deklarasyon mas dali magamit ang pondo nga gi-alokar alang sa relief efforts ug maapud sa 10 ka apekatadong rehiyon. Sa gilusad nga command conference sa Campo Aguinaldo, miingon si Marcos nga gimanduan niya ang National Disaster Risk Reduction and Management Council (NDRRMC) nga ipapangandam ang inter-agency task force sa posibleng mas daku nga kadaut nga dala sa musulod nga bagyo.
Sa pagkakaron, direktiba sa presidente ang pagtunol sa paspas nga hinabang sa mga biktima sa bagyong Tino.
Wala na tubaga ni Marcos kung kanus-a kini mubisita sa probinsya sa Cebu nga maoy episentro sa kadaut sa naglabay nga bagyo.
