CAGAYAN DE ORO CITY, Philippines – Tinguha sa Marcos Administration nga ipa-uswag ang tanan disaster risk reduction (DRR) efforts sa lokal ug nasudnong lebel gumikan sa grabeng epekto sa lapad nga pagbaha dala sa managsunod bagyo sa Pilipinas.
Pinaagi sa iyang social media Vlog, namahayag si Presidente Ferdinand Marcos Jr., nga gisakit niyaga maayo ang dakung damyos sa panginabuhian, ug kahimtang sa pamuyo sa mga pamilya nga biktima sa managlahing kalamidad, epekto sa climate change.
Gibutyag ni Marcos nga tungod sa Severe Tropical Storm Kristine daghang puy-anan, imprastraktura, ug gambalay sa gobyerno ang gilampurnas sa bagyo busa suspendido pa ang mga klase, ug trabaho sa Bicol region ug ubang bahin sa Luzon, sukad sa miaging semana.
Gisaad ni Marcos ang paspas nga ayudad, ug pagresponde sa gobyerno pinaagi sa DSWD, DND, DPWH, DILG ug uban pang mga ahensya sa gobyerno aron hinay hinay nga makabakod ang mga survivorsa kalamidad, kundiin labing ulahi niini mao ang mga residente sa Northern Luzon nga gikusu-kuso sa Super Typhoon Leon.
Gitapos ni Marcos ang iyang vlog pinaagi sa pagkomparar sa duha ka nangaging bagyo sa Super Typhoon Yolanda sa tuig 2013 nga mikutlo sa kapin 7,000 ka kinabuhi.
