CAGAYAN DE ORO CITY, Philippines – Gipanguluhan ni Presidente Ferdinand Marcos ang gilusad nga JobStreet Career Con 2025 sa SMX Convention Center sa Pasay City, kagahapon.
Namahayag ang presidente nga gipalig-on sa gobyerno ang pagsuporta sa managlahing job fair nga ilusad sa pribadong sector ilabe nga magresulta kini sa daghang oportunidad sa trabaho, sa sulod ug gawas sa nasud.
Gisaad sa presidente nga maminusan ang unemployement rate sa Pilipinas sa dili pa matapos ang iyang termino.
Una niini, gipasigarbo ni Marcos ang 3.2% unemployment rate sa Nobyembre 2024 itande sa 3.6% sa susamang bulan sa miaging tuig.
Hisayran nga muabot sa 150 ka mga kompanya ug employers ang misalmot sa job fair.
Mipartisipar usab sa aktibidad ang Technical Education and Skills Development Authority (TESDA) nga mitanyag sa libreng pagbansay sa vocational ug technical skills sa mga job seekers nga gustong makuha sa ilang mga shorterm nga kurso ug programa.
