Tambungan ni Presidente Ferdinand Marcos Jr ang 46th Association of Southeast Asian Nations (ASEAN) sa Malaysia.
Kagahapon, milupad ang presidente kauban si First Lady Liza Araneta kuyog ang pipila ka mga opisyal sa gobyerno padulong Kuala Lumpur.
Sa wala pa mibiya, gitapok una niya ang iyang nahibiling gabinete sa Villamor Air Base, Pasay City alang sa iyang departure speech.
Gibutyag sa presidente ang ang team sa Summit mao ang “Inclusivity and Sustainability”.
Siya miingon nga kini nga pulong mupasigarbo sa panaghiusa ug kalig-on sa tanan miyembro sa ASEAN.
Miingon si Marcos nga mas paspas ang pag-uswag sa usa ka nasud kung adunay inklusibo ug malungtarong kalamboan.
Gisaad ni Marcos nga pabiling supotahan sa Pilipinas ang ASEAN Centrality samtang nag-atubang sa mga hagit sa rehiyon ug kalibutan, sama sa South China Sea, sitwasyon sa Myanmar, seguridad sa kadagatan, epekto sa climate change, ekonomikanhong pagsulay, ug digital disruption sama sa dautang epekto sa paggamit sa Artificial Intelligence (AI)
