Sukwahi sa unang pahayag ni Pres Bongbong Marcos nga dili mosunod sa kagustuhan sa International Criminal Court,mismo siya ang mihatag kompirmasyon nga misanong ang Pilipinas sa pagpadakop kang kanhi Pres Rodrigo Duterte kagahapong adlawa.
Kini human giagi sa ICC sa international police ang mando nga sikupon si Duterte igo pagtugpa sa NAIA gikan sa iyang biyahe sa Hongkong tungod sa kasong crime against humanity.
Miingon si Marcos nga dili ICC ang ilang gisunod apan ang mando sa International Police o Interpol diin dili kabalibad ang Pilipinas tungod sa pagsilbing miembro niini.
Hisayrang daghang higayon nga gisulti ni Marcos nga wala’y direktang komunikasyon ang Pilipinas sa ICC kay dili na kini aktibong miembro.
