CAGAYAN DE ORO CITY – Dili magpanuko sa pag-veto si Pres Bongbong Marcos sa pipila ka budget items nga alang kaniya,dakong disbintaha alang sa katawhan sa nasud.
Kini human miani sa grabeng pagbatikos ang bicameral committee approved 2025 natl budget nga balor 6.3 trillion pesos.
Miingon si Marcos nga labing dugay nga iyang mapirmahan ang maong pondo sa petsa 30 ning bulana.
Siya miingon nga dili niya tugtan nga mapihig ang katawhan samtang nagpakahayay ang mga politiko nga suweldado sa kagamhanan.
Hisayrang sa maong natl budget,wala pa’y labot niini ang sobra 500 million pesos nga wala moagi sa deliberasyon nga gidudahan sa kadaghan nga pork barrel alang sa mga magbabalaod sa nasud.
