Gikatakdang mulupad padulong sa Japan sila Presidente Ferdinand Marcos Jr ug First Lady Liza Araneta.
Namahayag ang Presidential Communications Office (PCO) nga ang biyahe nagsumikad sa imbitasyon ni Emperor Naruhito ug Empress Masako
gikan sa Imperial Palace.
Sulod sa upat ka adlaw, usa sa makatagbo ni Marcos si Prime Minister Sanae Takaichi aron hisgutan ang energy ug food security, maritime cooperation, ug pagpalig-on sa strategic partnership ubos sa ipahigayong Philippine-Japan Summit.
Gitakda usab hinabion sa presidente ang mga business partners sa Pilipinas sa Tokyo, ug uban pang dagkung kompanya nga buot mamuhunan sa nasud.
Sa ulahing bahin sa state visit, makigpulong ang First Couple sa Overseas Filipino Workers o OFW community aron dunggon ang ilang mga panginahanglan.
Hisayran nga ang pagbisita ni Marcos sa Japan, nagtimaan sa ika-70 nga anibersaryo sa diplomatikong relasyon sa duha ka nasud.
Si kanhi Presidente Noynoy Aquino ang ulahing presidente nga mibisita sa Tokyo sa tuig 2015
