Gitin-aw ni Presidente Ferdinand Marcos Jr nga walay sagol pamulitika ang iyang pagbisita sa Naga City, ning adlawa.
Gibutyag ni Marcos nga ang iyang nag-unang tumong mao ang pag-inspeksyon sa mga proyekto sa flood control nga naglangkob sa dredging, waste-clearing, ug desilting sa Sagop Creek ug uban pang agianan sa tubig.
Kini nga kalihokan kabahin sa mas lapad nga programa nga gitawag Oplan Kontra Baha, nga nagtinguha nga maminusan ang risgo sa pagbaha ug maprotektahan ang mga komunidad sa syudad.
Ang pagbisita gipunting sa teknikal ug praktikal nga aspeto sa paglimpyo sa 31 ka waterways aron maibalik ang hapsay nga agos sa tubig, ug wala kini nagdala sa politikal nga mensahe, kondili usa ka konkretong lakang sa paghatag sa solusyon sa problema sa baha nga dugay nang gisang-at sa mga residente sa Naga.
Gitapos ni Marcos ang iyang pahayag pinaagi sa pag-ingon nga gisul-ob niya ang iyang pink nga medjas agig yukbo kang Mayor Leni Robredo.
