Nakabalik na sa Pilipinas si Presidente Ferdinand Marcos Jr. human niya gitambungan ang 70th Session sa United Nations Commission on the Status of Women (CSW), sa United Nations Headquarters sa New York City, Estadus Unidos. Alang kang Marcos, kini nga sesyon maoy usa sa pinakadaku nga pagtigum sa UN nga nagpukos sa “gender equality” ug “women’s empowerment”, diin ang mga nasod nagpresentar sa ilang mga programa ug best practices. Si Marcos Jr. nagrepresentar sa Pilipinas ug naghatag sa pahayag nga nagpakita sa pagkomitar sa nasod sa pagpalig-on sa papel sa kababaihan sa politika, ekonomiya, ug komunidad. Sa iyang arrival statement niadtong March 10, 2026, giingon ni Presidente Ferdinand R. Marcos Jr. nga ang iyang working visit sa United Nations sa New York usa ka “productive” nga biyahe nga nagpalig-on sa papel sa Pilipinas sa internasyonal nga komunidad. Gi-report usa sa presidente ang pag-apil sa UN Commission on the Status of Women diin gipakita ang mga programa sa Pilipinas alang pagpalambo sa kinabuhi ug proteksyon sa mga kababaihan, kundiin mi-uban sa pulong si UN Secretary-General António Guterres. Sa maong sesyon, nasingit sa mga lideres ang paghisgutv sa kasamtangang tensyon sa Middle East nga gikalambigitan sa Amerika, Israel, Iran ug mga nasud sa Gulf Nation nga gipang-atake sa Iran. Gawas niini, gipalanog usab ni Marcos ang iyang tinguha nga ang Pilipinas, mahimong miyembro sa UN Security Council, isip tingog sa Indo Pacific Region.
