Nalipay si Presidente Ferdinand Marcos Jr., kalamboan sa mga proyekto alang sa modernisasyon sa pampublikong transportasyon human sa iyang inspeksyon sa bag-ong Kamuning Footbridge ug Busway Station sa EDSA, Quezon City.
Ang proyekto nga nagkantidad og ₱87–89 milyon maoy gipuli sa karaang footbridge nga nailhan nga “Mount Kamuning” ug kabahin sa flagship program sa gobyerno alang sa EDSA Busway System modernization.
Ang bag-ong footbridge adunay elevators, wheelchair lifts, ug direkta nga access sa busway station, nga naghatag og mas luwas ug mas kombinyenteng agianan alang sa mga pasahero, ilabi na sa mga senior citizens ug persons with disabilities.
Gisugdan ang konstruksyon niadtong Agosto 2025 ug nahuman sa sayo sa 2026.
Kauban sa Pangulo sa inspeksyon sila Transportation Secretary Giovanni Lopez ug Public Works Secretary Vince Dizon, nga mipasabot nga ang proyekto makatabang sa mas episyenteng pagbalhin sa mga pasahero tali sa busway ug MRT-3 stations.
Giingon usab sa mga opisyal nga ang Kamuning upgrade makapahapsay sa commuter flow ug makapadugang sa accessibility sa usa sa pinakabusy nga koridor sa Metro Manila.
