Walay lauman nga kabag-ohan sa gobyerno ni Presidente Ferdinand Marcos Jr kung usbaw suhulan ang hisgutan, taliwala nga sige kini’g paninggit sa kabag-uhan isip kampanya sa kasamtangang administrasyon.
Miingon si Atty Kaloi Zarate, kanhi Bayan Muna Representative nga ang sistema sa pagpa-sweldo sa gobyerno nakahigot sa regional wage board ug tataw nga naglikay nga kini mahimong sentralisado.
Gisaway kini ni Zarate tungod kay ang pagtuo sa wage board, dili managsama ang kagutom nga gibati sa kauluhan batok sa kagutom nga nasinati sa mga taga probinsya.
Siya miingon nga nagpabiling anti-poor ang paagi sa pagpa-sweldo sa mga mamumuo ug dili matawag nga living wage ang P625 per day nga suhulan sa Metro Manila, labaw na sa mga nanarbaho sa uban rehiyon.
Kini nga pagtuon gibusay sa mga think-tank sa Ibon Foundation nga nag-ingon ang daily living wage nga angay madawat sa usa ka mamumuo kinahanglan anaa sa P1,500.
