CAGAYA DE ORO CITY – Dako’g tabang aron mabulgar atubangan sa publiko ang gihimo nga imbestigasyon ni senate foreign relations committee chairperson Sen Imee Marcos kabahin sa proseso pagdakop ug pagpadala sa Pilipinas kang kanhi Pres Rodrigo Duterte sa International Criminal Court.
Miingon si kanhi Misamis Oriental Vice Gov. Joey Pelaez nga tungod sa imbestigasyon,nabukay ang daghang kakulangon ug kasupakan sa balaod sa mismong mga sakop ni Pres Bongbong Marcos nga gisugo niya pagpatuman sa arrest warrant batok kang Duterte.
Siya miingon nga wala kini makaangay sa hukom sa gobierno nga itugyan pa sa langyaw’ng korte ang kanhi presidenti nga unta Marcos administration naman ang nagdumala sa nasud.
Dumduman nga sa imbestigasyon,nagtinulura ang ga opisyal ni Marcos kung kinsa ang adunay kasaypanan sa pagpatuman sa arrest warrant batok Duterte.
Hisayrang daghan ang nag-ingon nga pangluwas sa kaugalingon lang ni Imee ang iyang gihimong imbestigasyon kay naghinobra ang kasuko sa katawhan kang Pres Bongbong Marcos tungod sa pagpapriso nila kang Duterte pinaagi sa ICC didto sa The Hague,Netherlands.
