Gihimakak sa Malakanyang nga gibabagan ni Pres Bongbong Marcos ang pag-aginod sa impeachment complaints nga giatubang ni Vice Pres Sara Duterte sa kamarabaha.
Kini human nagduda na ang pro-impeachment congressmen ug petitioners nga naglisod paglihok ang kamarabaha tungod sa hukom ni Marcos.
Miingon si Executive Secretary Lucas Bersamin nga ensakto ang kaugalingong baruganan ni Marcos apan wala kini nagkahulugan nga gibabagan ang trabaho sa kamarabaha.
Una nang gisulti ni Marcos nga dili kini intresado sa pagpa-impeach kang VP Sara kay walay matabang niini sa paghaw-as sa kalisod sa katawhan sa nasud.
Hisayrang nagsumikad ang impeachment complaints ni Sara sa gipatoo sa mga alyado sa administrasyon nga daw nawaldas nga paggasto sa confidential funds sa Office of the Vice President ug Department of Education sa miaging katuigan.
